Zilegi Eskolekin hiru hitzordu jarri dituzte martxorako, Astigarragako Udalak eta AEK euskaltegiak. Eta horietako bi, Lehen Sorospenen ikastaroari eskainiko dizkiote.
Bi saiotan egingo dute, martxoaren 11n eta 18an; eta kultur etxean izango dira biak, goizeko 09:30etan hasita. Aurrenekoa, saio teorikoa izango da; eta bigarrena, berriz, praktikoa: panpin batekin konpresioak egiten ikasiko dute. Doakoak izango dira, biak.
Zeinu hizkuntza tailerra, martxoaren 17an
Hirugarren hitzordua, berriz, zeinu hizkuntza tailerrari eskainitakoa izango da. Martxoaren 17an egingo dute, arratsaldeko 19:00etan kultur etxean; eta doakoa da, hori ere.