Zine foruma antolatu du datorren astearterako, Harituz elkarteak. Talentos ocultos pelikula jarriko dute kultur etxean, arratsaldeko 17:00etan, eta horrekin lotutako solasaldia egingo dute ondoren, Cristina Zalduak gidatuta, gaztelaniaz.
Solasaldi horretan, ariko dira emakumeen ezkutuko ahalmenen aitortzari eta balioei buruz. Izan ere, pelikulak kontatzen du benetako istorio bat, hiru emakume afroamerikarrena: Katherine Johnson, Dorothy Vaughan eta Mary Jackson matemariak izan ziren, eta NASArentzat egin zuten lan. Beraien kalkuluak baliatuta, John Glenn izan zen aurreneko astronauta estatubatuarra, Lurraren orbita oso bat egin zuena.
Johnsonek, gainera, Mercury proiektuaren eta Apolo 11 misioak ilargira egindako hegaldiaren ibilbideak kalkulatu zituen. Joan den otsailaren 24an hil zen, 101 urterekin.
Kultur etxean izango da, arratsaldeko 17:00etan, Cristina Zalduak gidatuta.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!