Aurtengo Euskaraldia Gehiago, gehiagorekin, gehiagotan lelopean egingo da. Hainbat fase eta epe izango ditu, eta baita berrikuntzaren bat edo beste ere.
Guztiaren berri gaur emango da, 18:45etan eskolako aretoan egingo den aurkezpen ekitaldian. Udalak herritar guztiak gonbidatu ditu bertan parte hartzera.
Talde eragilea osatuko da
Euskaraldiaren helburua, aurten ere, «euskeraren erabilera haunditzea» izango da. Horretarako, azaroaren 20tik abenduaren 4ra ahobizi eta belarriprest izango dira protagonista, baina baita ariguneak ere. Era berean, Euskaraldia bera, 15 egunetara luzatuko da.
Berrikuntza eta fase horien berri emango da gaur, eta Euskaraldia landuko duen langilea aurkeztu eta herriko talde eragilea osatuko da.