Astigartar bizilagun talde bat bildu eta proiektu bat jarri dute martxan, «gastronomi kultur elkarte berri bat sortzea herrian» nahi dutela adieraziz.
Eginkizun honetarako, Urumea Berriko, Dia supermerkatuaren atzean dagoen lokal bat eskuratzeko negoziaketetan dabiltza, Aiotzegi kalean. 180 metro karratuko lokala da eta 115.000 euro eskatzen dituzte. Hori horrela, edozein pauso eman ahal izateko, elkartea sortu dute, eta Urumea Berri Gastronomi Elkartea aukeratu dute, «lokalaren kokapena kontutan hartuta».
100 bazkideko muga ezarri dute, eta interes gehiago egonez gero, «bilera batean adostuko litzake ea muga hau haunditu daitekeen edo itxarote zerrendan gelditzen diren».
Bazkide izateko epea zabalik dago, horretarako izen emateko inprimakia deskargatu, datuak bete eta 200euroko transferentzia bat egin beharra dago elkartearen kontu-korrontera (zenbakia inprimakian bertan dago). «Lokalaren erosketari aurre egiteko jende kopuru nahikoa lortzen ez bada, dirua bueltatuko zaie, pertsona guztiei» adierazi dute. Guzti hau egin ondoren, posta elektronikoz edo zuzenean entregatu beharko dira izen emate inprimakia eta transferentzia ziurtagiria.
Dirua jarri eta atzera bota daietekela ere adierazi dute antolatzaileek, hala ere, «ordainketa hau egin eta bazkide izatera animatu, eta animatuko denari konpomezu pixka bat eskatu nahi diogu, proiektua aurrera joan dadin».