Otsailaren 8 eta 9ko asteburuan egin zen Andoaingo piano jaialdia; aurtengoa, 15garrena izan da. Bertan, 18 urte arteko piano-joleek hartzen dute parte, eta astigartarrek ere ez dute huts egin.
Norberto Almandoz Musika Eskolako sei paino-jole izan ziren: Jare Roca Fernandez, Jazzy Cat jotzen, Mara Turri Iturrioz, Jessie jotzen; Uxue Lajas Lizeaga, Nº 20 A short story obrarekin; Uxue Meira Ruiz, obra berarekin; Ainhoa Manterola Lizeaga, Jessirekin, baita ere; eta Naiara Ortiz de Castro, Rock shock jotzen. Bostek B kategorian hartu zuten parte, hau da, 14 urte artekoenean, eta batek A kategorian, 11 urte artekoenean, alegia.
Lan polita egin zuten denek, eta dominekin etxeratu ahal izan zuten. Hain zuzen, urrezkoak lortu zituzten B kategoriako Mara Turrik eta Uxuek, eta zilarrezkoak, gainerako laurek.
Beethoven gogoan
Aurtengo edizioan, L. van Beethoven konpositorearen jaiotzaren 250. urteurrena gogoan, konpositore alemaniarra izan dute gogoan.