Astigarragako gazteei DBH herrian egin ahal izateko aukera eskaini nahi die Astigarraga DBH mugimenduak, eta DBH Astigarraga Orain! aldarrikapena zabaltzeko, giza-katea antolatzen ari da, martxoaren 29rako.
Bertan parte hartzeko izen-emate epea asteartean irekiko da, eta hitzordu gehiago ere zehaztu diuzte.
Asteartean eskolan; ostiralean Joseba Barandiaran plazan
Martxoko giza-kateak Astigarragako Herri Eskola eta DBHko institutua eraikiko duten lur eremua (Mendiaundi-Anibar, kanposantu ondoan) lotzea izango du helburu. Bertan parte hartzeko, izena emateko hainbat postu jarriko dituzte. Aurrenekoa, asteartean, 16:00etatik 17:30etara eskolako sarreran, eta bigarrena, ostiralean, 17:00etatik 19:00etara Joseba Barandiaran plazan.
Hurrengo postuak martxoan jarriko dituzte: 4an, 16:00etatik 17:30etara eskolan; 6an, 17:00etatik 19:00etara DIAko parkean; eta 12an, eskolan, 16:00etatik 17:30etara.
Hiru puntutan, nahi denean
Bestalde, kiroldegian, Kontxa Etxeberria plazako Ogi Berri okindegian eta Merke Azoka dendan ere izango da aukera izena emateko, nahi denean.
Ibilbideak, hiru zati
Martxoaren 29ko giza-katerako ibilbidea hiru zatitan banatuko dute, eta izena ematean, bakoitzari toki bat egokituko zaio.
Egunean bertan, 11:00etan Foru plazan elkartuko dira parte-hartzaileak, eta kale-jiran joango dira nor bere tokira. 12:00etan egingo da giza-katea, eta 12:30etan ekitaldia, Joseba Barandiaran plazan.
Prentsaurrekorako deia
Egun horretarako prestatzeko, prentsaurrekoa ere emango du plataformak martxoaren 17an, 18:30etan Foru plazan, eta parte hartzeko deia luzatu du.