Barreterapia lantzeko lau saio izango dira Astigarragan, datozen egunotan, Zilegi Eskolen barruan. Izan ere, bi saio eskainiko ditu Maialen Viaña Zabaleta psikologoak, bihar; eta beste bi saio, otsailaren 26an, asteazkenarekin hori ere.
Bi egunetan, musika eskolaren ondoko lokalean eskainiko du goizeko saioa, 09:30etan hasita; eta Herri Eskolako aretoan arratsaldekoa, 19:00etan. Edozein txanda aukeratu daiteke, baina saioetan parte hartzeko, aldez aurretik eman behar da izena: zilegieskola@aek.eus helbide elektronikora idatzita, edo kultur etxean. Doakoa izango da, hori bai. Partehartzaileek, esterilla, toalla edo kojinen bat eraman beharko dute.
Perkusio saioa, hilaren 25ean
Tartean, gainera, beste Zilegi Eskola bat ere antolatu dute, hilaren 25ean. Bi perkusio saio eskainiko du Jon Patxe musikari hernaniarrak: 09:30etan AEKren lokalean, eta 19:00etan kultur etxean. Izena eman behar da, baina doakoa da.