Harituz elkarteak antolatuta, Historia Nabarra de Gipuzkoa. De su origen, conquista y fueros liburuaren inguruan hitzaldia eskainiko du, otsailaren 28an, Beñi Agirre hernaniarrak. 2017an argitaratu zuen Gipuzkoako Historia Nafarra liburua euskeraz, eta 2019an gaztelerazko bertsioa kaleratu zuen Agirrek.
Kultur etxean eskainiko du hitzaldia, 19:30etan hasita, eta gazteleraz izango da. Beñi Agirrek, bertan, gaur egungo Gipuzkoaren historia nafarra azalduko du. «Jakin, 1200eko gaztelarren konkistak ekarri zuela muga hori. Baskoen eta nafarren banaketa horrek eragile jakina du. Gaur arte iraun du eta goizeko lanbro zikin baten moduan ezkutatzen digute Adarrako ikusmira».
Liburuan agertzen denez gaur ezagutzen dugun Gipuzkoa 1212an hasi zen egituratzen, Navas de Tolosako guduaren ondoren, gaztelartutako Lope de Haroko kondeak Durango aldeko guztia Bizkaian sartu zuenean. «Aurretik ez zegoen Gipuzkoarik, Nafarroako erresuma zen hau, tenentzia izeneko barrutietan egituratuta. Gaur ezagutzen ditugun probintziak gaztelarrek eta frantsesek konkistatu eta euren arteko banaketaren emaitza besterik ez dira. Hori jakinda bakarrik uler dezakegu Nafarroa eta Euskal Herria osotasunean».
Agirrek dio liburu honetan ez dela soilik Erdi Aroa jorratzen. «Karlistaldiak, Foruen desagertaraztea, Ilustrazioa eta Iraultza frantsesa, Lizarrako 1931ko Estatu baterako Estatutua, ekonomia eta populazioaren migrazioak, Iraultza industriala, etab. ere jorratzen dira».
Hitzaldia otsailaren 28an eskainiko du Kultur etxean, 19:30etan eta bertan bere azken liburuaz ariko da gaztelaniaz.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!