Maialen Lujanbio eta Aitor Mendiluze, errugbi inklusiboaren bertso bazkarian

Hernaniko errugbi elkartekoak, errugbi inklusibo­aren aldeko bazkari bat antolatu dute bihar Ipintza sagardotegian. Ez da edonolako bazkaria izango gainera, bertsoz girotatutakoa  izango da hain zuzen. Izan ere, Maialen Lujanbio eta Aitor Mendiluze izango dira kantuan.

Hernani errugbi taldekoek, ber­­ta­­ratzeko deia luzatu dute, errugbi inklusiboaren aldeko baz­ka­rira animatuz, eta giro pare­gabeaz gozatzeko.
Bertso bazkarira animatu direnak eta lekua dutenek puntako bertsolariak izango dituzte aurrez aurre.

Ipintza eta Hernaniko errugbi inklusiboko kideen arteko lotura estua da. Ipintzakoa den Agin Laburu bertsolariak Gipuzkoako Txapelketaren finalean, Her­na­niko errugbi inklusiboari erre­ferentzia eginez bukaera po­lita eman zion kartzelakoari, au­tismoa duen mutikoaren ai­ta­ren paperetik: Honela zioen hiru bertsoetako lehenengoak «Nere semeak autismoa du denek jakin dezatela / gaixotasun bat izan daiteke baina ez da hain ergela / laguntza behar du Jonek eta laguntza hori dena dela / bereizi ezkero bi gela seguru lortzen ez dela / nik hezkuntzari eskatu diot laguntza eman dezatela / beti baietz esanagatik entzun ez balu bezela».

Bihar gaiaren inguruan Lujanbio eta Mendiluzek ere seguru bertso sorta ederrak abestuko dituztela. 

Kirola, bertsolaritza, inklusioa... ertz asko ikutuko ditu biharko bertso bazkariak.