Mestiza elkarteak antolatuta, haurrengan eta hauen familiengan literatura, musika, artea eta naturarekiko jakinmina piztea helburu duten bi saio egingo dira gaur eta etzi, liburutegian.
Gaurkoa, Liburu Txiki Kluba deiturikoa, 0-5 urte bitarteko haurrei zuzendutakoa izango da. Liburutegian egingo da, arratsaldeko 17:00etan, eta haurrek helduren batekin hartu beharko dute parte.
Asteazkenean, berriz, 0-3 bitarteko haurrei zuzendutako saioa egingo da, goizeko 10:30etan, liburutegian; Liburu Baby Kluba. Kasu honetan ere, haurrek helduek lagunduta joan behar dute.
Eskatzen den bakarra da garaiz iristea.
Helduentzat, Irakurketa Kluba
Bestalde, asteazkenean, helduentzako Irakurketa Kluba elkartuko da, 19:30etan liburutegian. Kasu honetan, Mari Luz Esteban idazlearen Amaren heriotzak libreago egin ninduen liburuaz ariko dira, Isabel Etxeberriak gidatuta. Saioak doan eta irekiak izaten dira.