Asteartean bildu zen DBH kolektiboa, «Astigarragako gazteei DBH herrian egiteko aukera eskaini nahi dien mugimendua» sortuz. Herri mugimendu bat dela azpimarratu dute, herriko guraso eta herritarrek osatzen dutena, eta haur eta gazteei heziketa herrian eskaintzea helburu duena.
7.000 biztanle, eta DBHrik ez
Astigarragak 7.000 biztanle inguru dauzka, eta oraindik «DBHko institutUrik ez duen Gipuzkoako herri bakarra». Astigarragako haurrek, Martutenera edo Hernanira joan behar dute, 12 urte betetakoan. Udalak, jadanik DBHko institutua eraikitzeko lur eremua erosia dauka, eta Hezkuntza Sailaren esku uzteko, «hiritartze lanak egin behar ditu». Horretarako, «Delegaritzaren oniritzia jasotzeko zain dago». Hezkuntza Sailak ordea, Astigarragan DBH eraikitzeko asmoa duela adierazi duen arren «ez du konpromiso zehatzik hartu, ez aurrekontuetan behar den dirua eskaini, ezta epeak jartzeari dagokionez ere. Eta kolektiboak argi dauka «Astigarragan DBH izateko premia dago».