Partehartze saio irekia antolatu du gaur Astigarragako Udalak, herritarrentzat, 27 poligonoari dagokion aldaketa baten inguruan aritzeko. Zehazki, 'Ubarburu Zabalpena' izeneko eremuari dagokion Plan Orokorra egokitu nahi du Udalak, eta eremu horren sailkapena aldatu: lurzoru urbanizagarria da orain, eta lurzoru urbanizaezin izendatu nahi du.
Proposamena aurkeztu, herritarren galderak erantzun eta herritar eta interesatuen ekarpenak jasotzeko egin dute gaurko deialdia. Udaletxeko batzar aretoan izango da saio irekia, arratsaldeko 17:00etan hasita. Eta gaiaren inguruan interesa duten herritar guztiei luzatu diete gonbitea, bertaratzeko.