Txotx denboraldia

«Etorri gurera eta ondo pasa, pasa gabe»

Kronika - Erredakzioa 2020ko urt. 18a, 00:00
Izaro Andresek eman dio hasiera txotx denboraldiari, Alorrenea sagardotegian aurreneko tragoxka hartuta.

Astigarragako sagardotegietara gonbitea luzatu zieten sagardozaleei, Izaro Andres gonbidatuak eta Xabier Urdangarin alkateak, asteazkeneko txotx irekieran.

Asteazkenean, Sagardo Berria­ren Egunarekin, hasi zen txotx denboraldia Astigarragan.­ Eta Sagardoetxeako aurkezpenean aurrena, eta Alorrenea sagardo­tegiko irekiera ekitaldian gero, gonbitea eta deia luzatu zieten sagardozale guztiei, Astigarra­ga­ko sagardotegietara etorri eta sagardo berriaz gozatzeko: «eto­rri gurera eta ondo pasa, pasa gabe», gonbidatu zituen Xabier Urdan­garinek, eta azpimarratu zuen, eraso sexistarik ez du­tela onar­tuko. Era berean, he­rriko eragileen elkarlana nabar­men­du zuen alkateak.

Bertso, txalaparta eta dan­tza artean hartu zituzten au­rre­neko sagardo tragoak eguer­dian, eta baita estreinako sa­gar­dotegi me­nua dastatu ere.

Eta arra­tsal­dean, Txotx Berri Herri­koiaren txanda izan zen, herri­ko taber­netan. Horietan ere, sagardo be­­rriaz gozatzeko aukera izan zuten herri­tarrek, txotx eginez, trikitilari eta pan­dero-joleek girotuta.

 

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!