Oporralditik bueltan, aurreneko astea izan dute Astigarragako haur eta gazteek, ikasgeletan. Baina astean zehar bezala, aisialdirako aukera izango dute Gaztelekuan, asteburuan ere. Ekintza bereziak prestatu dituzte gainera, gaurko zein biharko.
Zer daukat buruan? izeneko mahai jolasean ariko dira gaur. Kartekin jokatzen da, baina berezia da. Txanda bakoitzean jokalari batek, karta askoren artean bat aukeratuko du, baina ikusi gabe; eta zinta moduko batekin, buruan lotuko du. Orduan, berak asmatu beharko du zein karta tokatu zaion, gainerako jokalariei galderak eginez; baina galdera horien erantzuna bai edo ez izan daiteke soilik.
Bihar, berriz, beste joko batean ariko dira gazteak; hori, ezagunagoa. Izan ere, bingoan jokatzeko jarri dute hitzordua,
17:00etatik 20:00etara bitarte.