Realeko neskek gaur Zarkumendegin entrenatuko dute goizean zehar

Realeko nesken aurreneko taldea zuze­nean ikusteko aukera izango du­te gaur goizean, Zarkumendegi­ra ger­­tu­ratzen direnek. Izan ere, bertan entrenatuko dute txuri-urdinek, 10:00etan hasi eta 12:00ak arte; eta saioa irekia izango da, ikustera hurbildu nahi duten guztientzat.
Emakumeen kirola «ikusa­ra­zi eta bultzatzeko asmoz», Gi­puzkoako kirolean «erreferente» den taldea Astigarragara ekarri nahi izan du Mundarrok, urtea agurtzeko; eta bertaratzeko gon­­bitea luzatu die, Urumea baila­­rako bizilagun guztiei.
Aurreko astean urteko Gipuzkoako kirolari onenen saria jaso zuten Anoetan Kirol Kazetarien Elkartearen eskutik.  2019an Erreginaren Kopa ira­bazita, entzute haundia izan du Realak, urte honetan zehar; eta baita makina bat erreko­no­zimendu eta omenaldi jaso ere. Urteko azkenekoa, Astigarra­gan jasoko du gaur, bailarako zaleen eskutik