Bisita berezia jasoko du Zarkumendegik, Urte Zahar Egunez: Realeko nesken aurreneko taldea etorriko da Astigarragara, abenduaren 31n, entrenatzera. Goizeko 10:00etatik 12:00etara egingo dute saioa, eta irekia izango da, ikustera gerturatu nahi duten guztientzat.
Mundarrok, gainera, gonbitea luzatu die Urumea bailarako bizilagun guztiei, bertaratzeko: «emakumeen kirola ikusarazi eta bultzatu nahi dugu, eta aurten Gipuzkoan erreferente nabarmenenetako bat da Reala», azpimarratu dute.
Izan ere, Espainiako Kopa irabazi dute txuri-urdinek, eta beste hainbat errekonozimenduren artean, Urrezko Danborra jasoko dute urtarrilaren 20an, San Sebastian egunean.