Urteroko moduan, aurten ere, abenduaren 24an, asteartean, euskal preso eta iheslarien aldeko Olentzeroa aterako da Astigarragan barrena 16:00ak aldera, Oialumen elkartu eta herriko kaleetan ibili ondoren, Joseba Barandiaran plazan emango zaio amaiera. 19:00etan 564 abestia abestuko da preso eta iheslarien alde.
Ostiralean, abenduaren 27an berriz, hilabeteko azken ostirala dela eta, arratsaldeko 20:00etan kontzentrazioa burutuko da Joseba Barandiaran plazan eta amaieran mariskadaren zozketa egingo da.
Hirugarrenik, gaur zortzi, abenduaren 28an Sarek Donostian deitu duen manifestaziora joateko deia luzatzen da, 12:00etan Bule-barretik Atera bidera Presoak etxera! lemapean. Urtarrilaren 11n Bilbon deiturik dagoen «manifestazio Nazionalera» joateko, autobus zerrendak, Zipotza tabernan daude.
Asteartean Olentzero aterako da, ostiralean kontzentrazioa eta gaur zortzi manifestazioa Donostian egingo dira.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!