Gabonei hasiera, musikarekin hobe

Gabonak gero eta gertuago daude, eta horren islada dira Urumea bailaran azkeneko asteetan zehar egin diren ekintza eta emanaldiak. Horietako bat herenegun izan zen; astigartarrek jarri zioten erritmoa igandeari, Andre Maria Jasokundearen parrokian. Bertan egin zuten bat Norberto Almandoz musika eskolako ikasleek, eta Aiztondo abesbatzako kideek ere. Gabonetako betiko doinuekin eta berriekin gozarazi zuten publikoa, beraien ahotsarekin eta hainbat eta hainbat instrumenturen bidez ere.