80ko hamarkadara atzera eramango du Astigarraga, Upelio Egunak

Ia ehun urte egin zuen atzera Astigarragak, joan den urteko Upelio Egunean; eta oraingoan, hiru hamarkadakoa izango da soilik saltoa: 80ko hamarkadan egongo da girotuta, eta gaur ber­tan ospatuko dute, Gazte Asan­bladak antolatuta.
Arratsaldeko 19:30etan hasi­ko da festa, eta orain dela 30 urteko jantziekin, poteoa egitera aterako dira, Kitadelpare txa­ran­garekin batera. Afalordura arte luzatuko da hori.
Zipotzan egingo dute afaria gero, poteoko giroari segida ema­nez 21:30etan hasita: piko­teoa, oilaskoa eta postrea. Ber­tan afaltzeko, aldez aurretik eman behar zen izena, Zipotzan bertan, asteazkenera arte.
Eta eguna borobiltzeko, elek­tro­txa­­ranga izango da, Orkresta tal­dearekin. Gaueko 01:30etan ha­siko dira jotzen, parranda lu­zatzen den arte.