ONCEko sari solidarioen helburua izaten da saritzea Onceren filosofiarekin eta Ekonomia Sozialarekin bat egiten duten lan solidarioak bultzatzen dituzten norbanako, enpresa, GKE, administrazio publikoko erakunde edo talde edo komunikazio programa edo lanak. Autonomia Erkidego bakoitzeko sariketa desberdina osatzen dute, eta Euskadiko Once Sariak 2019 asteazkenean banatu zituzten, Bilbon.
Denera, lau sari banatu zituzten, eta horien artean egon da Astigarragako Harituz Elkarteak bultzatzen duen Matazak indarkeria sexistaren aurka ekimena. Oncek erakundeei ematen dien sari nabarmenena eskuratu du horrela, Harituzek. Bultzatzen duen proiektua nazio mailako ekimen kolektiboa da, eta bultzatzen dituzten ekimenekin sentsibilizazioa piztu eta aditzera ematen dute genero ezberdintasunek eragin nabarmena dutela emakumeen aurkako indarkerian.
Harituz taldeaz gain, beste hiru saritu ere egon dira, beste kategoriatan: Euskal Herriko Cadena Ser irratiko Generación Z podcasta; Mikel Ruiz, Bizkaiko Cáritas elkarteko zuzendari ohia; Petronor enpresa; eta Bilboko Udala, Bilbo Uri Adeitsua Adinekoekin B+60 izeneko II. Planarengatik.