URUMEA SAGARDOA
Lau egunetako egitarau erakargarriarekin prestatuta dator bihartik hasita Sagardo Apurua, etxeko haundi eta txikienentzat produktu baten baitan elkartuz lehena eta oraina. Sagardo Apurua Sagardoa Route, Gipuzkoako Sagardogileen Elkartearen ordezkariak antolatzen du eta aurtengoa du seigarren urtea.
Donostiako Bulebarrean berreraikiko den baserri tolarea egiazko Igartubeti baserri museoaren erreplika izango da. Behin baserriko harrizko paretak zeharkatuta espazio zabal eta irekia aurkituko da, garaien nahasketa eta euskal sagardoaren bidetik ibilbide historikoa. Sagardo tragoxka bakoitzean dastatu ahal izango dira mendeetako historia eta istorioak.
Sagardoaren maitale direnentzat eta ezagutzen ez dutenentzat, produktua maite eta zaintzen dutenentzat eta oraindik dastatu ez dutenentzat. Denentzat dago lekua Sagardo Apuruan.
Urtero bezala, txotx denboraldiaren aurretik egiten den jarduera honen hasiera Astigarragan izango da, bertatik abiatuko baitira bai sagardo berria, baita baserrietako produktuak ere. Hori, gaur izango da. 16:30etan sagardo berria eta produktuak Santiomenditik jaitsiko dira, eta Herri Eskolan geldialdia eginda, herrian zehar ibiliko dira. Ondoren, 17:15etan, produktu horiek, ontzian kargatuko dituzte, Lizeaga parean.
Bihar, ostiralean, 11:30etan iritsiko dira Donostiara, eta bertsotan egingo diete ongietorria, Aitor Mendiluze eta Agin Laburuk. Jarraian, 12:30etan egingo dute inaugurazio ekitaldia, Hikaren Sagar Haragizekin.