Sagardo Apurua antolatu du seigarrenez Sagardoa Routek, Gipuzkoako Sagardogileen Elkartearen ordezkariak. Ohi bezala, Donostiako Bulebarrean jarriko du berreraikitako baserri tolarea, eta makina bat ekintza egingo ditu bertan, datorren ostiralean, abenduaren 6an hasi, eta abenduaren 9ra bitarte.
Sagardoa eta produktuak, Astigarragatik
Urtero bezala, txotx denboraldiaren aurretik egiten den jarduera honen hasiera Astigarragan izango da, bertatik abiatuko baitira bai sagardo berria, baita baserrietako produktuak ere.
Egun bat lehenago izango da hori, ordea, ostegunean. Arratsaldeko 16:30etan sagardo berria eta produktuak Santiomenditik jaitsiko dira, eta Herri Eskolan geldialdia eginda, herrian zehar ibiliko dira. Ondoren, 17:15etan, produktu horiek, ontzian kargatuko dituzte, Lizeaga parean.
Inaugurazio ofiziala, ostiralean
Ostiralean, 11:30etan iritsiko dira Donostiara, eta bertsotan egingo diete ongietorria, Aitor Mendiluze eta Agin Laburuk. Jarraian, Sagardo Apurura garraiatuko dituzte sagardoa eta produktuak, eta 12:30etan egingo dute jardueraren inaugurazio ofizialeko ekitaldia. Hika teatroaren Sagar Haragiz.