Bihar goizean jarri du beste zita bat, Mundarro Kirol Elkarteak, mendi irteera egiteko. Goizeko 09:00etan elkartuko dira, Joseba Barandiaran plazan, eta Aia herrira joango dira, kotxeetan.
Bertatik abiatuko dute mendi buelta, elkarrekin. Pagoetako parke naturalean barrena ibiliko dira, eta 7,2 kilometroko ibilbidea osatuko dute. Horretarako, bi ordu inguruko iraupena kalkulatu dute.
Antolatzaileek azaldu dutenez, zailtasun berezirik gabeko mendi buelta da; familian eta haurrekin egiteko egokia, beraz.
Irteeran parte hartzeko, aldez aurretik eman behar da izena, Astigarragako kiroldegian. Aiara joateko, printzipioz, bakoitzak bere aldetik joan behar du, baina kotxeetan antolatzeko elkartuko dira Joseba Barandiaran plazan, hain zuzen ere.