Ordurako taldea osatu bada behintzat, etzi hasiko da, astelehenarekin, dantza latinoen ikastaroa, Astigarragako kultur etxean. Hasiberrientzako kurtsoa da, eta astelehenero egingo dituzte saioak, arratsaldeko 18:30etatik 20:00etara. Kultur etxean bertan eman behar da izena, eta bikoteka apuntatzea gomendatu dute. Prezioa 63 euro dira Astigarragan erroldatuta daudenentzat; eta %25eko deskontua izango dute, erretiratu, langabetu eta pentsiodunek.