Ate irekien jardunaldiak egin zituzten Petritegi sagardotegian, pasa den igandean, Europako ondarearen jardunaldien barruan. Aurtengoan, aisialdiari, kirolari, jolasari eta jaiari lotutako ondarearen berri eman nahi izan zaie herritarrei, Gipuzkoako Aldundiak antolatzen dituen jardunaldietan. Horri lotuta, sagardogintzari lotutako lan mundua eta jai giroa ezagutzeko aukera izan zuten igandean Petritegira gerturatu zirenek. Besteak beste, kizkiarekin sagarrak bildu edota pisoiekin hura zanpatzen ikasi zuten, eta era berean, muztioa edo zizarra, hau da, sagar zukua dastatu ahal izan zuten, festa giroan.