Gaur egingo du beste saio bat, Elkarbizi taldeak, 2019ko programaren barruan. Eta oraingoan, jardungo dute bakearen alde egindako euskal kulturaren arloko adierazpenen inguruan: Euskal kultura adierazpenak baketzearen aurrean.
Arratsaldeko 19:00etan hasiko da saioa, Astigarragako kultur etxeko areto nagusian; eta bi idazle izango dira hizlariak: Eugenio Ibarzabal eta Inazio Mujika Iraola.
‘Garaiz gabiltz’ agiria egiten parte hartu zuen Ibarzabalek, eta ‘Isiltasuna ez da aterpe’ adierazpena sinatu zuen Iraolak.
Garaiz gabiltz agiria egiten hartu zuen parte Ibarzabalek, 1980an. Garaiko euskal kulturaren ordezkari nabarmenenek sinatu zuten agiri hura; hala nola, Barandiaranek, Mitxelenak, Caro Barojak eta Chillidak. 33 sinatzaile izan ziren, eta gogoan izan zuten «kanpotik gidatutako indarkeria, eta euskal arazoarekiko agertzen den ulertezintasuna»; baina gehien kezkatzen zituen indarkeria zen, «bertan jaio eta gure artean habia egiten duena».
Mujikak, berriz, Isiltasuna ez da aterpe adierazpena sinatu zuen 2000 urtean. Bertan, 140 euskal intelektualek zioten, bortizkeria «errotik astintzen» ari zela Euskal Herria; eta onartezina zela, «indarkeriak euskal gizartearen dinamika demokratikoa ordezkatu nahi izatea».
Bi adierazpenek, garrantzia
Elkarbizik dio, «oso komenigarria» dela bi adierazpen horiek izan zuten garrantzia publikoa gogoratzea, «indarkeriaren aurrean euskal kulturak izan duen posizioa epaitzen denean».
Horri guztiari buruz ariko dira, gaur. Parte hartzeko, aurrez eman behar zen izena.