Indartsu dator igandea Astigarragara. Europako Ondarearen Jardunaldien barruan, Petritegi sagardotegiak euskal sagardogintza eta kulturari lotutako ekintzak antolatu ditu goizeko 11:30etatik eguerdiko 13:30ak bitarte.
Sagarrak biltzeko aukera, kizkiarekin
Kizkiarekin sagarrak biltzeko aukera egongo da, eta «bakoitzaren abileziak frogatu beharko dira». Sagarrak txikitzeko aukera ere egongo da, pisoiak edo matxaka erabilita. Eta sari moduan, bertan estututako sagarrez lorturiko sagar zuku edo zizarra dastatu ahal izango dute parte-hartzaileek. Ekintza hauez gain, tokan aritzeko aukera ere izango da, baita lokotx-bilketa, zaku-lasterketa, sagar-dantza, erromerian dantzatzekoa ere.
Merkatua txikia, aurrenekoz
Zenbait artisauen lankidetzari esker, gainera, merkatu txiki bat osatuko dute sagardotegian bertan, eta «beste sorpresaren bat ere egongo da».