Martxan da ikasturte berria, Astigarragako AEK euskaltegian; eta laster abiatuko dituzte, baita ere, urtero klaseez gain eskaintzen dituzten bi aukera: Zilegi Eskola eta Mintzalagun egitasmoak izango dira, aurten ere.
Bi egitasmoak aurkezteko, datorren astean jarri dituzte bi hitzordu: asteartean, goizeko 09:30etan hasita aurkeztuko dituzte; eta asteazkenean, arratsaldeko 19:00etatik aurrera. AEKren lokalean izango dira biak, Nabarra Oñatz kalean.
Aurkezpenera hurbiltzera animatu dituzte AEKko ikasleak zein herritar guztiak, «guztiok ondo jakiteko zertan dautzan bi egitasmo hauek», nabarmendu dute AEKtik.