Hasi da Astigarragako Udala, 2020 urterako udal aurrekontuak lantzen; eta osatu du aurreneko proposamen bat. Hori aurkezteko, auzoz auzo bilerak egiten ari da, eta herritarren ekarpenak eta proposamenak jasotzeko asmoz.
Perurenako Auzolan frontoian egin zuten aurrenekoa, eta beste hiru izango dira aste honetan: Santiomendikoekin gaur, Ermañan; Oialumekoekin bihar, auzo biltokian; eta Arrobitxulo eta Urumea Berrikoekin etzi, Arrobitxuloko lokalean. Horiek guztiak, 19:30etan izango dira. Ergobian, erdigunean, eta Santiomendikoekin Plazetxen, datorren astean jarri dituzte hitzorduak.