Zizurkilen dagoen Muga Ranch Western zalditegira, urriaren 26an, irteera antolatu du Gaztelekuak. Parte hartzeko, izena eman behar da eta gaur da izena emateko azken eguna, Gaztelekuan bertan. Prezioa 20 eurokoa da, autobusa eta zalditegirako sarrera barne. Gaztelekutik azaldu dutenaren arabera, gainera, badu zalditegi honek «berezitasun bat: talde txiki bat zaldian dabilen bitartean, gainontzekoek western erakustaldi bat ikusi ahal izango dutela». Urriaren 26an 15:45etan aterako dira Gaztelekutik zalditegira joateko, eta iluntzeko 20:00ak aldera bueltatuko dira.