Hasi da Astigarragako?Udala, 2020 urterako udal aurrekontuak lantzen; eta osatu du aurreneko proposamen bat.
Eta gaur hasita, auzoz auzoko bilerak egingo ditu, hori aurkeztu, eta herritarren ekarpenak eta proposamenak jasotzeko asmoz.
Perurenako Auzolan frontoian egingo dute aurrenekoa gaur, arratsaldeko 19:30etan hasita. Eta beste hiru izango dira aste honetan: Santiomendikoekin bihar, Ermañan; Oialumekoekin etzi, auzo biltokian; eta Arrobitxulo eta Urumea Berrikoekin etzidamu, Arrobitxuloko lokalean. Horiek guztiak ere, 19:30etan izango dira.
Ergobian, erdigunean, eta Santiomendikoekin Plazetxen, datorren astean jarri dituzte hitzorduak.