Gaur eta bihar jokatuko dituzte aste honetako partidu gehienak, bailarako esku pelotari eta palistek. Gaurkoan, Hernanin ariko dira elkarren kontra, 20:15etan, Alaitz Barrenetxea eta Maddi Iriondo, eta Irati Miner, Maider Zugasti eta Naia Barrenetxea, palaz. Astigarragan, 21:00etan jokatuko dute Harri Loidi eta Jokin Santxez esku pelotariek; eta Azpeitian ariko dira Ekain eta Eñaut Lizeaga anaiak. Bihar, berriz, 18:00etan hasiko da jaialdia Hernanin, eskuzko bost partidurekin aurrena, eta palako hirurekin ondoren. Astigarragan, partidu bana izango da eskuz eta palaz, 19:45etan hasita.