Berdintasuna lantzeko, zita bikoitza gaur

Zita bikoitza jarri du Astiga­rra­­gako Udalak gaur, berdin­ta­su­na­rekin eta ema­­kumeen­ga­na­ko indar­ke­ri­a­re­kin lotuta. Arratsaldean izango dira biak: bilera irekia, eta tailerra.

Udaletxean jarri dute aurre­neko hitzordua, 15:00etan ple­no aretoan, Emakumeen eta Gizonen Berdintasunerako III. Plana diseinatzeko. Aurreko hi­labeteotan bigarren planaren ebaluazioa egin ondoren, eta egoeraren diagnostikoa berri­tu­ta, hirugarrena lantzen ha­si­ko dira gaur: «prozesua bo­ro­bildu, eta ikusitako guztia­re­kin plan berri bat disei­na­tze­ko momentua iritsi da, urte berriarekin martxan hasiko de­na», azaldu dute. Horre­ta­ra­ko, herritar guztiei luzatu die­te gonbitea, saio irekira azal­tzeko, «hurrengo lau urteeta­ra­ko lan ildoak eta ekintza ga­rrantzitsuenak denon artean adostu eta aurrera ateratzeko».

Bileraren ondoren, berriz, fa­milientzako tailerra izango da, Astigarragako Herri Esko­la­ko patioan; 16:30etan hasi eta 18:30ak arte: Tratu on txinpar­tak. Emakumeenganako indar­ke­riaren aurrean, tailerrean sustatu eta ikasiko dituzte tratu onak, ipuin, jo­las, ma­rrazki edota kantuen bitartez. Adin guztietakoei irekia da.