«Herria biziberritzea eta merkataritza txikia bultzatzea» helburu, Guztion programak

Guztion izeneko programa jarri du martxan Astiga­rra­ga­ko Udalak, Astiko merkata­ri­tza eta ostalaritza elkartea­re­kin eta Dunak taldearekin eta M-etxea-rekin elkarlanean. Beterri-Burun­tzako Udalek bul­tzatutako eki­mena da, eta bi lan ildo ditu, atzo Xabier Urdangarin Lasa al­kateak azal­du bezala: «ba­tetik, lokal hutsak bultzatzea, eta bes­te­tik, lortzea herriak edukitzea le­ku atseginak ego­teko, ibil­tzeko, inguru ludi­ko­ekin...».

Bigarren hori aurkeztu zu­ten, hain zuzen, atzo. «Era be­rean, bertako dendetan kon­tsumitzea ere lortu nahi da. Zenbat eta leku atse­gi­na­goa izan, orduan eta jende gehiago ibiliko da, eta herria bi­zi­be­rritzea eta merkataritza txikia bultzatzea lortu daiteke».

Udako gunea, Kale Nagusian

Leku atseginago hori lortzeko «esku-hartze urbanistikoa» egin dute Kale Nagusian, «behin-behineko inter­ben­tzi­oa»; izan ere, irailaren 20ra arte mantenduko da.

Nagore Goñi, Dunak taldeko ordezkariak azaldu be­zala, M-etxea-rekin batera egin dutena izan da, batetik, lurrean, «no­ra­bide bereziekin markatu oi­nez­koek lehentasuna dutela, erre­pi­dean bertan. Hirukiek ko­txe­en ibilbidearen kontra geratzen diren marrak osatzen dituzte, eta horrek eragiten du frenoa jartzea». Bestetik, «al­tza­riekin ere hornitu» dute es­pazioa, «uda garaia dela apro­be­txa­tu­ta, uda txokoa sortzeko, Asti­ga­rragako gune ko­mer­tzia­le­an». Horrekin, gai­nera, As­ti­ko el­kar­teak hain­bat mezu txer­­tatu ditu interbentzioaren ba­rruan, mezuak helara­z­teko. «Oi­nez­ko­en eta ibilgailuen ar­te­ko elkarbizitza hori nola eman behar den» hausnartu nahi da, eta era berean, «pen­tsarazi, kaleak nola erabiltzen di­tugun, zertarako diren, tran­tsito ere­mua diren edo bertan ha­rre­man­tzeko eta egoteko; ak­ti­bi­tate ezberdinak egiteko es­pa­zi­oak ere sustatu nahi ditugu».

Alfredo Ruiz,?Astikoko or­dez­kariak gehitu zuen txer­tatuko esaldietako bat dela 100 da 100, 200. Aupa Astiarra! Herriko esaldi aipagarri edo ezagunena da, jendea kan­pai­nara gerturatzeko. Lortu nahi da kalera ateratzea jendea, ka­le­an bizitzea, gertu dauden komertzioetan kon­tsu­mi­tzea».

Udazkenean, jarraipena

Aldaketa hauek «behin-behinekoak» dira. «Laguntzen du inpaktua sortzen, kulturan eragiten, eta epe luzerako aldaketa bat egin behar izanez gero, arazoak zein izan li­tezkeen detektatzen».

Hori horrela, irailaren 20ra arte mantenduko da aldaketa, nahiz eta gauetan aulkiak kendu egingo dituzten. Baina udazkenean jarraipena izango du kanpainak. Batetik, irai­la­ren 20an merkataritza txikien aldeko festa egingo da es­ku­alde mailan, eta bestetik, As­ti­ga­rragako Udalak lokal hutsen poltsa argitaratuko du. Hala zehaztu zuen Jaione Irazu,?Astigarragako Udaleko Enple­gua, Merkataritza eta Tu­ris­moa teknikariak: «hasi gara lokal hutsen jabeekin harre­man­tzen, hitzarmen egi­ten... Estrategia baten baitan fun­tzionatzen dugu. Asmoa da kalea biziagoa egitea, eta lokal hutsak dinamizatzea».