Egun haundia dute gaurkoa, Mundarroko neska kadeteek. Izan ere, Gipuzkoako Kopako finala jokatuko dute, arratsaldeko 16:00etan hasita, Zubietan. Oñatiko Aloña Mendi taldea izango dute aurrean moreek, eta maila haundiko partidua espero da, ligaxkan maila bikainean aritu diren bi talderen artean. Izan ere, nagusitasunez bukatu zuten biek, beraien multzoko lider: 12 partidu irabazi eta bi berdinduta Mundarrok; eta 10 irabazi eta bi berdinduta Aloña Mendik.