Urtean hiru zita jarri ohi ditu Astigarragako Odol Emaileen taldeak, odola eman ahal izateko. Otsailean izan zen urteko aurrenekoa, eta aste honetan izango da bigarrena, ostiralean. Arratsaldeko 18:30etatik iluntzeko 20:30etara anbulategian izango da aukera odola emateko.
Premia, udaran areagotua
Udararen aurretik egingo den azkeneko ematea izango da ostiral honetakoa. Orduan, premia areagotu egiten da. Gainera, Astigarragako taldetik gogorarazi nahi dute: «odol-dohaintza bizitza salbatzeko edo edozein pertsonarentzat osasuna berreskuratzeko era da, eta berezko onura ekar dezake, odol horren beharra, guretzat edo senide batentzat edo lagunarentzat, larrialdi-egoeran, behar izatetik ez gaude libre».
Laguntzeko deia, batez ere, gazteei
Horregatik guztiagatik, astigartarrei deia egin diete bertaratzeko; bereziki, gazteei, «emaileen adinaren zahartzea gelditzeko, eta konstantzia izatera animatzeko».