«Dagoeneko prest dauzkat eskolarako behar diren liburu guztiak; uztailean eskatu zizkidaten!»

Herrian bertan erosteak hain­bat abantaila izaten ditu, eta horietako bat da, ikasturtea hasterako, eskolarako behar den material guztia prest eta eskura eduki daitekeela. 
Garbiñek, behintzat, da­goe­neko Astigarragako dendan, Merke Azokan, dauzka astigar­tarrek eska­tu­ta­ko liburuak. «Da­goeneko prest dauzkat es­ko­larako behar di­ren liburu guz­tiak; uztailean eskatu ziz­ki­daten! Normalean ordu­antxe ja­sotzen dute esko­latik, hu­rren­go ikasturterako be­har duten ma­terial zerren­da, eta horixe ema­ten didate. Gehienek he­rrian bertan ikasten dute, eta bestela, DBH, Martutenen, eta beraz, hona etortzen dira erosketak egitera».

«Material guztia barruan daukaten Milaneko maletinak, kolore pasteletako fluoreszenteak... Beti izaten da zerbait, modan!»

Liburuez gain, beste hainbat material
Eskolara bueltatzeko, liburuak ez dira nahikoak, ordea. «DBHko 3 eta 4 mailetan, liburu gehixeago erosi behar izaten di­tuz­te normalean, Lehen Hez­kuntzan baino, baina gazte­txoagoek, eskolan bertan hain­bat liburu maileguan har­tzeko aukera izaten dute, eta ariketa liburuak bakarrik eros­ten di­tuzte. Gainontzean, koa­der­no­ak, konpasak, karpetak... eros­ten dituzte».
Horrelakoak aukeran daude Hernanin ere, Urbieta kopiak dendan, adibidez. Agendak, mu­sika klaseetarako plastiko­dun karpetak... Aukera zabala izaten da. Ohiko material ho­rretaz gain, gainera, bes­te­lakoak ere behar izaten dituzte ikasleek: ordenagailu eta table­tak, esa­terako. Horrela­koe­ta­rako auke­rarik ez da falta Hernaniko Oria informatika dendan; eta berria erosi nahi ez duenarentzat, ordenagailuari errepasoa egin eta erabiltzeko punttuan ere jartzen dute.

Beharrezko materiala, baina gustoz aukeratua
Baina lanera bueltatu beharra zaila egiten zaio askori, eta horregatik, bestelako hainbat aukera ematen ditu Garbiñek berak. «Kapritxoak dauzkat, ia denak! Batzuetan ez dira behar izaten, baina erosi egiten di­tuz­te, gustatu egiten zaizkielako. Motibazioa ere badira, eskolara bueltatzeko!».
Hernaniko Ikusi Makusi den­dan ere, badauzkate ho­rre­la­koak; beharrezkoak, baina nor­beraren gustora ego­ki­tu­ta­koak: motxilak, koadernoak, aman­talak, estutxeak, jolasak... Gar­bi­ñe­ren esanetan, gauza batzuk mo­dan ere izaten dira: «Ma­­te­rial guztia barruan dau­ka­ten Mi­la­ne­ko maletinak, ko­lo­re pas­te­le­ta­ko fluores­zen­te­ak... Beti izaten da modaren bat!». Azken batean, lanera ilusio pix­ka batekin buel­ta­tzeko aukera ematen dute ka­pritxo horiek, eta horien artean, jolas didakt­ikoak edota eskula­ne­ta­rako ma­teriala ere badauka, lan ohi­turak pixkanaka eta gogotsu berreskuratzeko!

Azken erosketak, irailean
Kapritxotik gertuen dauden gau­za horiek, normalean abuz­tu bukaeran edo iraila hasieran erosten direla dio Garbiñek. «Normalean, behar-beharrez­koa aurretik eskatzen dute gehienek. Hala ere, beti izaten da azken momentuan liburuak eskatzera etortzen dena, eta hurrengo egunerako prest edukitzea behar duena! Horrek ematen dit beldurra, baina ni ere prest izango naiz!».