Bueltan da 4x4 kotxeen trial ikuskizuna, Astigarragan. Gaur zortzi izango da, datorren larunbatean, Bidebitarte poligonoan. Arratsaldeko 16:00etan izango da proba, eta 18-20 kotxe inguru ibiliko dira, prestatuko duten zirkuituan, zulo, salto, oztopo eta putzuak gainditzen.
Eta goizean eta eguerdian, urtero bezala, kotxeen erakusketa jarriko dute. Oraingoan, Joseba Barandiaran plazan izango da, goizeko 11:00etatik eguerdiko 15:00etara.
Sarrerak, egunean bertan
Proba ikusteko sarrerak, egunean bertan jarriko dituzte salgai, 2 euroan.