DBH institutuak lehentasuna izateko pausuak emango ditu Udalak

Hogeita sei puntu aztertu eta bozkatu zituen larunbatean Udalen elkartu zen Plenoak; guztiak onartu ziren.

Hiru mozio, hasteko
Aurreneko lau puntuen ar­te­an hiru mozio bozkatu zituz­ten (ikusgai: www.kronika.eus). Au­rre­nekoa aho batez onartu zen: Herri Es­ko­lako guraso elkarteak aur­keztu zuen, DBH ins­titu­tua­ren in­gurukoa. Bertan eskatzen da, bes­teak beste, Udalak DBHko institutua aha­lik eta epe mo­tzenean egin behar dela sinestea; honen aldeko lanak le­hen­tasuna izatea eta langune bat osatzea herriko alderdi, era­gile eta herrita­rre­kin; Ple­no­ak 2018ko legealdia bukatuta aurretik eskuratua izatea DBH kokatu behar den par­tzela, eta erre­gis­tratua eta hiritartua izateko kon­pro­miso irmoa hartzea, 2019­an edo lehenago Eusko Jaur­­laritzako Hezkuntza Saila­ri lu­rra uzteko. Era berean, onar­tu zen Hez­kuntza Sailari idatziz eskatzea zein den As­tigarragako DBHre­kiko duen konpromisoa, eta 2020rako dituen konpromisi­oak ze­haz­tea. Eta baita ere, Hezkuntza Sailari eskatzea Astiga­rragak DBH izateko bete behar dituen baldintzak, legedia eta araudia zein diren zehaztea.
Bigarren mozioa EH Bilduk aurkeztu zuen Mandela ara­u­en ingurukoa, eta puntuz pun­tu onartu zen; aurreneko hi­ru­ak EHBildu eta EAJren botu­e­kin, eta PSE-EEren abs­ten­tzio­a­rekin; eta azkenekoa aho batez. Mozioa onartuta, Astiga­rra­gako Udalak bat egin du Nazio Batuek onetsitako Pre­so­ak Tratatzeko oinarrizko Man­de­la arauekin. Era bere­an, eus­kal presoei Mandela araua apli­ka diezaieten eska­tu­ko du, besteak beste, gaixo dauden pre­soek tratu duin bat jaso­tze­ko eskubidea  izan dezaten, eta dispertsioarekin bukatu da­din. Astigarragako Uda­la­k, Mande­la arauak oinarri hartuta, zigor ohiko eta arrunt bezala, mu­tu­rreko isolamen­duaren erabile­ra sistemati­koa arbuiatzea ere onartu zen. Eta Az­kenik, Nazio Batuen go­men­dioari jarraituz, uz­tailaren 18an Pre­soen esku­bi­deen aldeko Man­dela eguna os­pa­kizuna ain­­­tzat hartzea, kar­tze­la­ratze baldintza arbitrari­o­en kontra agertuz eta presoak gizartearen parte ere badire­la aldarrikatuz.
Azkenik, hirugarren mozi­oa udal talde guztiek elkarre­kin aur­keztu zuten: errefuxi­a­tuei ha­rrera egi­teko udal ba­lia­bi­deak ber­ma­t­zen dituen mo­zi­oa; aho batez onartu zen. Ber­tan aurreikus­ten da, irai­le­tik au­rrera Uda­lak jasoko ditu­en 6 etxebizi­tze­tako bat, aur­tengo ne­gura­ko errefuxia­tu fa­milia ba­ten­tzat eskura­ga­rri ego­tea; erre­­­ser­ba honek urte­beteko irau­­­pe­na izango du, eta pasata, udalak era­ba­kiko du zein hel­buru berri­ta­rako bi­de­ra­tu­­ko den. Eta etxe­bizitza eta egoe­ra­ren kudea­ket­a Udalak zuze­ne­an edo beste erakunde edo el­kar­­­te­ren baten bitartez burutzea ere, onartu zen.

Hondakinak, bi puntutan
Hondakinen inguruko bi pun­tu ere onartu zituen Plenoak. Au­rrenekoa aho batez onartu zen, hiri hondakinak bildu eta tratatzeko Udal Ordenantza al­da­tzeko proposamena hain zu­zen. Bertan zehazten da, bes­­te­ak beste, etxebizitzetan egin­da­ko konponketa, erai­kun­tza edo antzeko lan txi­kiekin sor­tu­tako hondakinak nora en­tre­gatu: garbigunean entrega­tu behar­ko dira arau­tu­tako ko­purua ez badu gain­ditzen; eta bestela hondakin mota horre­tarako baimena duen kudea­tzai­le bati en­tregatu beharko zaio.
Hondakin Bilketa sis­te­ma­rekin jarraituz, Plenoak onartu zuen hondakin bilketa sistema San Marko Man­ko­munita­tea­ren esku uztea eta lankidetza hi­tzarmena sina­tzeko espe­dien­tea martxan jar­tzea; EAJ eta PSE-EEren botuekin onartu zen. EH Bilduk kontra bozkatu zuen, argu­diatuz, Garbitaniak eta San Markok aurkeztutako au­rrekontuak ez zirela bate­ra­ga­rriak, azken honek esa­terako ez baitu zehazten zer egingo duen: «San Markok egin­dako txostenean langile hitza ez da aipatu ere egiten, eta egun Garbitaniarekin bil­keta egiten duten bost lan­gileei ez zaie ezer jakinarazi». Alka­te­ak erantzun zuen Mankomu­ni­­tateari eman­­­go zaiola bilke­ta eta 3-4 langile beharko direla esan diotela: «konbe­ni­oa egiteko da­go, eta Batzor­de­an eraba­kiko da onartu edo ez».

Zarkumendegiko zabalpena, alokairu sozialeko etxebizitzen zozketa oinarriak, kiroldegia eraberritzeko plana, kale izendegia... ere onartuta
Hamargarren puntuan, Ple­noak aho batez onartu zuen Zar­kumendegi zabalpena. Ho­nek aldaketa puntuala es­ka­tzen du Plan Orokorrean, eta EH Bilduko bozeramaileak esan zuen, alde bozkatu a­rren, argi dagoela Plan Oro­ko­rra erre­bisatu beharra da­goela, ez bai­tio egungo be­harrei eran­tzuten.
Alokairu sozialeko erregi­me­nean, babes ofizialeko zaz­pi etxebizitza zozketatzeko oina­rriak ere onartu zituen Plenoak, aho batez.
Bestalde, Kiroldegiaren era­berritzearen bigarren fa­seko obren esleipen pro­po­samena
o­nar­­tu zuten aho batez. EH Bil­du­ko boze­ra­mai­leak azaldu zu­en komeni­ga­rria dela uda apro­betxatzea obrak hasteko; eta Gobernu Taldeak erantzun zuen kon­­tuan dutela, eta la­nean ari direla lehen­bailehen haste­ko.
Kale berrietan emakume izenak jartzeari Udalak ema­ten dion garrantzia ere azpi­ma­­­rra­tu zuen Alkateak 15ga­rren puntuan. Hala, Plenoak aho batez onartu zuen Emaku­me­on Plaza izena jartzea Jua­nito-enea etxeko atzealdeari, Sa­gardotegi eta Pelotari kale ar­te­ko eremuari. EH Bilduk gehitu zuen, ondo legokeela mural bat egin eta ekitaldi bat egitea, plaka jartzerakoan.
Buruntzaldeko auto-taxiko garraio zerbitzua ere aho batez onartu zen. Alkateak azaldu zuenez, eskualdeko alkateen artean sinatu dute akordioa.
Azkenik, beste hainbat punturen artean, onartu zen Astigarragako kiroldegiko baz­kideak Paco Yoldi eta Etxadi igerilekuak erabili ahal izatea, Donostiako Udal Kirol Pa­tro­natuarekin sinatu den hitzar­menari esker. Erabiltzaileek orain arte Hernaniko ige­ri­le­kuak erabiltzen zituzten, baina urte­beteko obrak direla eta Do­nostiara joango dira orain.