Heroiak antzezlana emango dute gaur, kultur etxean. Euskaraz izango da eta iluntzeko 20:00etan hasiko da. Joan nahi duenarentzat, sarrerak jada salgai daude: www.astigarraga.eus webgunearen bitartez eskuratu ahal izango dira, baita egunean bertan kultur etxeko atarian ere. Sarreren prezioa 6 eurokoa da.
Hiru gerra-beteranoen ihesaldia, oinarri
Heroiak antzezlana Gerald Sybleyrasen obra originalaren Itzulpena da, Ramon Agirrek egina. Hiru gerlarien bizitza du oinarri: «Hiru gerra-beterano espresuki gerran soldadu aritu direnentzako zahar-egoitza batean daude, bizitzari so. Enrikek errenka egiten du, Gustabok agorafobia du eta Felipek zorabioak izaten ditu sarri, buruan txertatuta geratu zitzaion metraila pusketa baten erruz Gerraren ondorioak. Gure hiru heroiek (harrizko txakur baten estatua txiki bat kontatuz gero, lau) zahar egoitzatik ihes egitea erabaki dute. Baina nora? Indotxinara? Gertuko herri batetara? Edota haizeak gogor astintzen duen mendi tontorrera?». Azken horiek dira antzezlanean zehar erantzungo diren galderak.
Txalo Produkzioaken lana
Txalok ekoizutako antzezlana da Heroiak. Ramon Agirre, Kandido Uranga eta Joxe Ramon Soroiz aktoreak izango dira Enrike, Gustabo eta Felipe, antzezlaneko protagonista eta aktore bakarrak.