Datorren asteazkenean, hilak 13, kiroldegian izango da Astigarragako Txirrindulari Taldea lizentzia federatiboak tramitatzeko eta ekipazio berria aurkezteko. Interesa duten guztiei azaltzeko deia egin diete, 18:00etatik 20:00etara.
Bi lizentzia mota
Zikloturista lizentziak bi motatakoak izan daitezke: autonomikoak edo nazionalak. Biek estaldura bera dute; desberdintasun bakarra da partehartze eremua.
Lizentzia nazionalarekin Espainiako Estatuan zein atzerrian jokatzen diren martxa zikloturistetan eta mendi bizikleta ibilaldietan parte hartzeko aukera dago. Lizentzia autonomikoarekin, berriz, Gipuzkoa, Bizkaia eta Arabakoetan bakarrik hartu daiteke parte.
Klubaren bitartez, edo bakarka
Lizentziak egiteko bi modu daude. Batetik, klubaren bidez, www.gtxe.org webgunean dagoen aplikazioaren bitartez. Kasu honetan, lizentzia autonomikoak 115 euro balio ditu, eta nazionalak, 120 euro.
Bakarkako lizentziak egin nahi izanez gero, berriz, 125 euro eta 130 euro balioko dute hurrenez hurren, eta taldearen bitartez egin beharko dira. Astezkenean azalduko dute.