Sei sagardo onenak lehian, gaur

Kizkia Taldeak sagardo lehia­keta antolatu du eta iritsi da azken egunera. Gaur jokatuko da txapelketaren finala eta sei sagardotegi onenak izan­go dira lehian. 14:00etatik aurrera izango da Astiga­rra­gako Gure Izarra elkartean, bazkari eder baten bueltan.
Hiru sailkapen egun izan dira hilabete honetan zehar eta azkenean, seik bakarrik lortu dute finalerako pasea. Iaz, Astigarragako sagardoa nagusitu zen. Lizeagak ira­bazi zuen eta atzetik geratu ziren Rezola eta Petritegi.
Aurtengo txapelketan ho­na­ko hogei  sagardotegik har­tu dute parte: Hernanitik Itxasburu, Olaizola; Adunatik Zabala; Usurbiletik Urdaira; Oiartzunetik Baleio eta Ordo­zelai; Urnietatik Eula eta Oialu­me; Andoainetik Gazta­ñaga; Aiatik Izeta; Astigarra­gatik Lizeaga, Petritegi, Iri­goien, Rezola, Oiarbide; Do­nos­tiatik Astiazaran, Barkaiz­tegi; Zerainetik Oiharte; Lasarte-Oriatik Otegi; eta Li­zar­tzatik Goikoetxea. Horieta­ko bat izan­go da beraz, txapelduna.