Aurrera doaz obrak, urrirako prest egon dadin lokal berria

Orain hilabete inguru hasi zituzten lanak, Haurreskola­rentzat hartu duen lokal berria egokitzeko. Urri­rako bukatzea aurreikusten dute, matrikulazio epea zabal­tzeko. Horrela, plaza gehiago eskaini ahal izan­go dituzte, urtero ume asko gelditzen baitira tokirik gabe. Bigarren lokal honekin konpondu nahi dute arazoa.
Astigarragako Udalak jakinarazi du, obrari «lehentasuna eman eta azkartu» egin dutela, baina beti egoten direla atzerapenak: «hortaz, oraindik ez dakigu posible izango den ma­trikulazio epe berria urrian irekitzea. Gure asmoa, behin­tzat, zerbitzua ahalik eta azkarren ematea da», azaldu dute.