Txapelketa Autonomikoan izango da Kaizoku Yutax dardo taldea, ostiraletik igandera, Salamancan. Bikoteka jokatuko dute txapelketa, baina banaka aritzeko aukera ere izango da, eta horretan ere probatuko dute taldeko kideek. Ezingo dute denek joan, ordea, lana tarteko, eta lau kide izango dira: Iker Palazon eta Iker Vadillo, bikote bat osatuz, eta Mikel Selegante eta Arkaitz Salazar, beste bikotea osatuz. Salamancara joan aurretik, Gipuzkoako Ligako beste partida bat izango dute, bihar bertan.