Umeek hainbeste itxarondako eguna iritsi da. Gaur jaitsiko da Santiomenditik behera Olentzero eta gauean zehar opariak banatuko ditu etxez etxe. Aurretik, ordea, geldialdia egingo du herrian. 17:30etan, kiroldegitik abiatuko da eta Joseba Barandiaran plazara joango da haurren gutunak jasotzera. Xaguxarrek antolatuta, kalejiran joango dira berarekin eta animatzeko dei egin dute.
Preso eta iheslariak, gogoan
Arratsaldeko 16:00etan, preso eta iheslariak gogoan, Olentzeroa aterako da Oialumetik. Handik, herrirako bidea egingo dute.
Udaletxea, kultur etxea eta kiroldegia, itxita
Gabonetan, Udal eraikinak itxita egongo dira hainbat egunetan. Udaletxea eta kultur etxea itxita egongo dira gaur, bihar, ostirala, abenduak 31 eta urtarrilak 1, 5 eta 6 (kultur etxea irekita egongo da umeen joko aretorako). Kiroldegia, berriz, gaurtik urtarrilaren 1era eta 6an ere itxita egongo da. Egun horietan, Hernaniko kiroldegia erabiltzeko aukera izango da.
Hondakin bilketan, aldaketak
Bihar eta ostiralean, paper eta kartoiari dagokionez, bilketa berezia egingo da. Kontenedoreak jarriko dira Joseba Barandiaran plazan eta Arrobitxulon (Udalaren lokal ondoan). Ordutegia: bihar, 18:00-21:00; eta ostiralean, 07:00-14:00.
Bestalde, atez ateko bulegoak ordutegi berria izango du urtarrilaren 1etik aurrera: astelehen eta asteazkenetan, 09:00-11:00; eta asteazkenetan, 11:00-13:00. Eta abenduaren 30etik aurrera, errefusaren bilketaren 2015eko egutegia banatuko da etxez etxe, kultur agendarekin batera. Errefusa biltzeko lehenengo eguna, urtarrilaren 11 izango da.
Ostiralean sorpresa, Gaztelekuan
Gaztelekuan, egitarau berezia antolatu dute Gabonetarako: gaur eta bihar itxita; ostirala, sorpresa; larunbata, euskeraren aldeko lasterketa; igandea, Inuxente Eguna (11:00-14:00); abenduak 29, itxita; abenduak 30, urte zahar festa; abenduak 31 eta urtarrilak 1, itxita; urtarrilak 2, zinera; urtarrilak 3, txokolate museora; eta urtarrilak 4, futbito txapelketa.
Papera eta kartoia ateratzeko, kontenedoreak jarriko dituzte J.B. plazan eta Arrobitxulon.
Umeentzako ekintzak, Gabonetan
Umeentzako hainbat ekintza martxan dira astelehenaz geroztik: Joko Aretoa kultur etxean, 9-12 urtekoentzat (11:00-13:00 eta 16:00-18:30); Ludoteka eskolan, 4-12 urtekoentzat (10:00-13:00); eta Jolas Txiki kiroldegian, 2-5 urtekoentzat (08:30-13:00).
Gabonetako kontzertua
Larunbatean, Gabonetako kontzertua eskaini zuten Udalak, Aiztondo abesbatzak, Astigarragako Herri eskolak eta Norberto Almandoz musika eskolak. Izaera solidarioa izan zuen kontzertuak eta Saharako errefuxiatu kanpamendurako lehengaiak bildu zituzten.