Mundarrok Zarkumendegin du bere gotorlekua

Deustoren zelaian jipoia jaso ostean, Mundarrok Zarkumen­degin hartu zuen Munibe talde donostiarra igandean, eta etxe­an ez direla batere gaizki mol­datzen erakutsi zuten berriz: golik ez dute jaso oraindik eta jokoan zeuden 6 puntuak za­ku­an dituzte. Igandean, 1-0 na­gu­situ ziren. Partiduaren hasiera­tik, Munibe taldea sen­do hasi zen defentsan eta joko zuzenaz abantaila eskura­tzen saiatu zen. Mundarroko joka­la­riak partiduari erritmoa ema­ten saiatu ziren, baina ez zituzten arerioaren zirrikituak aurki­tzen. Azkenean, aurkariek galdutako ba­loia aprobetxatuz, Oierrek gola sartu zuen Beñat Mendiburu­ren pase baten oste­an, baina arbitroak jokoz kan­po adierazi zuen. Atse­denal­dira iritsi aurre­tik, Munibeko joka­la­riek penaltia egin zuten Men­dibu­ruren jokaldia oztopatzeko saia­keran, eta Jon Riosek par­tiduko gola sartu zuen. 
Bigarren zatia hasi bezain pronto, donostiarrak aurrera pauso bat ematen saiatu ziren, baina moreek, zelaia txiki­tzeko ideia bere egin zuten, eta baloia berreskuratu ahala, kontraera­so­an atera­tzen zi­ren. Korner edota albo­ko falta sakeetan Munibek arris­kua jarri arren, bigarren zatiko aukerarik gar­bie­na Mi­kel Gar­tziarenak izan zuen. Zutoine­an jo zuen, ate­zai­nak baloia behatzekin alden­du on­doren. Donostiarrak ber­din­tzen saia­tu arren, asti­gar­­ta­rrek gera­tzen zitzaien indar guztia zelaian utzi zuten, 3 puntuak babesteko. Oraingoz, jokoan egondako 9 puntu­etatik, 6 lortu ditu Mundarrok, eta sailkapena beste begi ba­tzue­kin ikusten dutela azaldu du Egoitz Sayar entrenatzaileak.  
Hamaikakoa: Garin, Mi­guel, Manu (Uxer), Beñat A., Nogales, Ivan G., Gartzi (Arza), Ríos, Ivan L. (Yorkis),  Beñat M. (Unai) eta Oier (Guti).