urtero bezala, Gipuzkoako Foru Aldundiak Sagardo Lehiaketa antolatu du. Gipuzkoako 30 sagardotegik hartu dute parte (Astigarragatik seik) eta 6 iritsi dira finalera. Tartean dago, Astigarragako Gartziategi sagardotegia. Finala gaur izango da eguerdiko 12:00etatik aurrera, Donostiako Euskal Gastronomia Elkartean.
Lehiaketa honekin, Diputazioaren helburua da, sagardogilearen elaborazio lana baloratzea eta botilaratutako sagardoaren kalitatea saritzea, bai ikuspegi organoleptikotik bai analitikotik begiratuta.
3.000 euro eta txapela
Aurreneko hiru onenentzat izango dira sariak. Irabazleak, 3.000 euro eta txapela eskuratuko ditu, besteak beste. Bigarrenak, 1.500 euro eta garaikurra. Eta hirugarrenak, 1.000 euro eta garaikurra.
Finalistak, 6 herritakoak
Sei herritako sagardotegiak iritsi dira finalera. Gartziategiz gain: Aburuza (Aduna), Altzueta (Hernani), Gaztañaga (Andoain), Izeta (Aia) eta Saizar (Usurbil).