Inaugurazioa eta desioen zuhaitza, plater nagusiak

Kronika - Erredakzioa 2017ko mar. 4a, 01:00

Emakumeen Nazioarteko Egu­na da martxoaren 8an, da­torren asteazkenean, eta hori aldarrikatzeko, kalera aterako dira astigartarrak.

Pastak herritarrei, Udal ordezkariek
Goizean goizetik gogoraraziko dute Udaleko ordezkariek Emakumeen Nazioarteko Egu­­na dela. Goizeko 09:00e­tan hasi eta arratsaldeko 17:00ak arte, pastak ba­natuko dituzte herriko hainbat txokotan: Foru Plazan izango dira goizean; eguerdian Joseba Barandiaranen jarriko dute postua; eta arratsaldean, herria zeharkatuko dute. 
Ekitaldia, EH Bilduk
Goizerako ere, ekitaldia an­tolatu du EH Bilduk. Kontxa Etxeberria plazatik 11:00etan abiatuta, emakume izena duten kaleetako emakumeen memoria plazaratzea izango dute helburu. 

Plazaren inaugurazioa, ere bai
Uztailaren 16ko Plenoak onar­­tu bezala, Emakumeon Plaza deitzen da orain Jua­nito-enea etxeko atzekaldean da­go­en plaza, aurretik ize­nik ez zuena. Eta izen-aldaketa hori ofiziala egiteko, plazaren inaugurazioa egingo dute asteazkenean, Emakumeen Eguna dela aprobetxatuz. 
Arratsaldeko 18:30etan ha­si­ko da ekitaldia, berdintasun zinegotziaren eskutik. Inau­gu­razioan izango dira, baita ere, Astigar dantza taldeko kideak, agurra dantza­tzen; eta trikitilariak. Horrez gain, mokadutxoa eskainiko zaie, herritarrei. 
Segidan, leku berean ja­rriko du Harituz elkarteak Ema­­kumearen Eguneko de­sioen zuhaitza, herritarrek beren desioak zintzilikatzeko.

Argazkia, Bagagiltzak
Ekitaldi garrantzitsua aprobetxatuz, arratsaldeko 19:00­e­­tan jarri du zita BagaGiltzak galdeketaren aldeko emakumeen argazki erraldoia egiteko.

Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!