Atzoko (uztailak 28) Kronikako portadan, Aranoko festetako ferian (igandean izan zen, uztailaren 26an, goizeko 12:00etan) ateratako argazki bat publikatu zen, ondorengo argazki-oinarekin: «Hartzan galleta, Maikarmen, earra zion eta!». «Probatuinat, Maikrux, baño beste bat hartukoinat, oain ez zeon beida ta!».
Kronikak argitu nahi du argazki-oinean aipatzen diren izenak ez direla argazkian ateratzen diren pertsonenak, EITBko Wazemank telesaileko pertsonaienak baizik. Gure intentzioa ez zen inor minduta edo identifikatuta sentitzea, umore-ikutu bat baino ez zuen gehitu nahi egunkariak. Norbait hala sentitu bada, Kronikak barkamena eskatzen dio.
Gainontzekoan, atzo aipatu bezala, espero dugu Aranoko zein Astigarragako Santio jaietan ondo pasa izana, ikaragarriak izan dira aurten ere!