Oso indartsu hasiko dira festak Aranon, Santio egunarekin

Kronika - Erredakzioa 2025ko uzt. 23a, 00:00
Deskargatu Info Ahotsak :

Hainbat herritar dantzan, joan den urteko txupinazoa bota berritan.

Ostiralean botako dute jaien hasierako itxaferoa, Urumeako Mendiak Bizirik ekimeneko kideek; eta egun horixe izanen da festetako indartsuena, oso egitarau potentearekin. Edonola ere, egun politak izanen dira asteburukoak ere: feria, herri kirolak, jolasak, emanaldiak... Gainera, beroketa saioa eginen dute bihar: pala txapelketaren ligaxka, herriaren apainketa eta afaria.

Datak ederki tokatu direla aprobetxatu, eta martxa ederra izanen da asteburu honetan Aranoko Santio Jaietan: ostiraletik igandera, egitarau potoloa izanen da hiru egunez.

Santio egunez lehertuko dira festak aurten, eta egun potenteena izanen da aurreneko hori, puntako ekintza sorta prestatu baitute, Urumeako Mendiak Bizirik ekimenak txupinazoa bota ondotik. Baina ez dira nolanahikoak izanen asteburuko bi egunak ere. Gainera, beroketa lanak eginda iritsiko dira aranoarrak festetara, hiru hitzordu jarri baitituzte biharko.

Bizkarrak berotzera aterako dira herriko buruhaundiak, aurten ere.

SANTIO JAIAK 2025

ARANON

BIHAR, osteguna

17:00, Lagunarteko Pala Txapelketaren ligaxka.

Arratsaldean zehar, Herriaren apainketa auzolanean.

21:00, Herri afaria, norberak eramandakoarekin.

ETZI, ostirala

11:00, Meza.

11:30, Hernaniko dultzaineroen kalejira.

12:00, Txupinazoa, 'Urumeako Mendiak Bizirik' herri ekimenaren eskutik.

Segidan, Herriko buruhaundi eta erraldoiak.

12:30, Esku pelota partiduak:

Nesken artekoa:

Ainitze Arratibel-Larraitz Galardi

Araitz Legarreta-Alize Sagardui

Arano-Goizueta desafioa:

Egoitz Olaizola-Mikel Leonet

 

Beñat Apezetxea-Antton Apezetxea

17:00, Lagunarteko Pala Txapelketaren finalak.

19:00, Bertso saioa: Julio Soto, Aitor Mendiluze, Nerea Ibarzabal eta Andoni Rekondo. Gai-jartzailea: Aritz Zerain.

21:00, Herri afaria, norberak eramandakoarekin.

22:00, XLI. Mus Txapelketa, San Roke elkartean.

23:00, Komerik erromeria taldea.

UZTAILAK 26, larunbata

12:00, Feria eta tortilla
lehiaketa.

17:30, Herri kirolak:

Aizkoran:

Palaxio eta Mikel Santesteban (Nafarroa)

Joseba Izeta eta Haritz Esnal (Gipuzkoa)

Harri jasotzen:

Aimar Galarraga, eta Goiatz eta Uxue alabak

Ondoren, Pelota partiduak:

Kadeteak:

Axel Salaberria-Adur Sagardui

Oier Arsuaga-Amets Makatzaga

20 urtez azpikoak:

Manex Olaiz-Oihan Legarreta

Jon Jara-Axel Lasa

21:00, Herri afaria, norberak eramandakoarekin.

23:00, Erromeria: Alaitz Roteta, Gorka Valdes eta Hekthor Folk.

Gazteek ere ez diete uko egiten feriako jaki goxoei.

 

UZTAILAK 27, igandea

11:00, Meza.

Ondoren, Herri gurasoen
hamaiketakoa.

12:30, Umore Ona dantza taldearen emanaldia.

16:00, Altxorraren bila.

17:00, Apar festa.

18:00, Txokolatea.

18:30, Zapotxin pailazoaren eta lagunen ikuskizun musikala.

21:00, Herri afaria, norberak eramandakoarekin.

Afalostean, Bingoa.

Gizartea Arano
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!